Укытучы һөнәренә караш тамырдан үзгәрде һәм яхшы якка түгел.Элек, совет чорында, укытучы иң дәрәҗәле кешеләрнең берсе булган. Хәзер аңа карата балаларның да, ата-аналарның да хөрмәте кимегәннән-кими бара. Сәбәп нидә соң? Гаеп укытучының үзендәме, әллә дәүләт абзый бик тырышамы бу өлкәдә? Мин гадәти авыл мәктәбен татарча укып медальгә бетердем. Әнием кебек укытучы буласым килеп, пединститутта укыдым. Мәктәпкә укытырга кайттым һәм укытучыга икенче сортлы караш күреп, аптырап калдым.Шуның өчен укып йөрдеммени дигән уй да керде күңелгә. Мәктәптәге тавык чүпләп бетермәслек эше өстенә гаилә, йорт, балалар мәшәкатьләре өстәлә.Ә хезмәтенә түләве - ташка үлчим. Әле кыйнап китәргә дә күп сорап тормыйлар. Укытучы үз проблемалары белән бергә бер кала. Кемнән яклау көтә ала ул? Дәүләттәнме? Юк!Аңа укытучының алдына карап, биргәнгә канәгать булып, артыгын сорамыйча эшләве дә эшләве кирәк. Кыскасы, ишәк төсле (гафу итегез, хөрмәтле укытучылар, бу чагыштыру өчен). Ә балалар, әти-әниләр моны күреп, белеп торалар. Хәзер исә мескен укытучы кәгазь боткасына батты. Аны 5 ел саен тестлар бирдереп, белемен тикшереп, аттестация узарга мәҗбүр итәләр. Инде җавап биреп карагыз: кем хөрмәт итсен мондый укытучыны? Тәрбиячеләр белән дә шул ук хәл.
Чебен дулап тәрәзә ватылмас, әлбәттә. Бераз күңелдәгесен языйм дидем.