Ямьле Саба ягым-Мишәбашым

Белем алган туган мәктәбем.

Сиңа атап язар шигырьләрем

Сиңа баглап эшлим эшләрем!


 
Кыш PDF Бастыру E-mail
Чәршәмбе, Ноябрь 03, 2010 10:25

Гыйнвар унында бәс тотса, җәй яңгырлы килә.
Унбишенче февральдә көн җылы булса, яз яхшы була.
Әгәр елга суы боз өстенә чыкса, көн җылытыр.
Кыш көне җепшек буласы булса, тоз юеш булыр.
Кыш көне утның кызулыгы еракка җитсә,салкын булыр.

Мичтә утын шартлап янса, көннәр җылытырга булыр.

Мичтәге ут кызыл булып янса, көн салкын була.
Морҗадан чыккан төтен туры булып өскә менсә, көн аяза, суыта. Әгәр төтен җиргә ятса, көн җылыта.
Сабан тимере җиргә кергәч, салкыннар булыр.
Самоварның борыны кысанайса, буран булыр.
Утын сызгырса, көн суытыр.
Чыра пырылдап янса, буран була.
Кыш көне мич астында чикерткә кычкырса, көн җылытыр.
Суык буласы булса, төлке эт кебек өрер.
Тавык бер аяк белән басып торса, өй түбәсенә очып менсә - суык булыр.
Эт аунаса: кышын - буран, җәен тузан, җил була.
Арка сызласа, буран булыр.
Әгәр боз өстенә боз катса, ашлыкка галәмәт.
Әгәр Иделдә кисәктән боз катып, кыш та кисәктән булса, ашлык бик уңар.
Кар кояш белән кипсә, бодай уңар.
Кыш башында беренче кар авыр булса, орлык авыр булыр, тук булыр.
Кыш көне бәс күп булса, агач җимешләре уңар, бал күп булыр. Әгәр бәс күп булып, агач ботаклары салынса, һәртөрле җимешләр һәм ашлыклар булыр.
Боз кытыршы булып туңса, иген уңар.
Тау башларында кар күп булса, җиләк күп булыр.
Алтынчы гыйнварда салкын булса, урак вакытында бик эссе булыр. Әгәр җылы булып, кар яуса, һәр ашлык уңар. Әгәр ябалак кар яуса, борчак белән чикләвек уңар.
Беренче гыйнварда көн җылы булса, арыш уңар; җил булса, тары уңар; томан булса, солы уңар.
Декабрь. Егерме бишендә агачларны бәс тотса, алдагы җәй иген уңар.
Декабрьнең утыз берендә төнлә йолдызлар еш күренсә, ашлыклар уңар; шулай ук бәс булса да, ашлыклар уңар.
Ел башы буласы төнне кичен һәр ашлыкның саламын кар астына куеп, бер атнадан алып кара: кайсы ашлыкның саламы бүрткән, озын булса - шуны күбрәк чәчәргә кирәк.
Кыш бәс, томан булса, җәй иген уңа.
Кыш көне яңгыр яуса, икмәк булыр.
Кыш сыкы булса, җәй алма була.
Кыш томан булса, җәй юкәдә бал була.
Февраль икесендә иртә белән кар - ашлык иртә чәчкәне уңар; кич белән кар яуса - гаҗәп түгел соң чәчкәне уңса.
Февральдә каен ботагында карлар алка-алка булып асылынып торса, ул елда иген уңар.

 

Фикерләр:

Яңартылды Чәршәмбе, Ноябрь 03, 2010 11:32
 

Агымдагы рейтингы: 4.17
Тавыш бирде: 6

Әлеге материалны бәяләгезче!:

Бик яхшы!5Яхшы!4Ярый!3Начар!2Бик начар!1

Мәкалә ошадымы? Ошаса дустыңа да тәкъдим ит!

Фикер өстәү


.