Ямьле Саба ягым-Мишәбашым

Белем алган туган мәктәбем.

Сиңа атап язар шигырьләрем

Сиңа баглап эшлим эшләрем!


 
Җәй PDF Бастыру E-mail
Чәршәмбе, Ноябрь 03, 2010 10:48

Җәй көне миләш уңса, арыш яхшы булыр, шомырт уңса, арыш начар булыр.
Июнь өчесендә булса төшлектән җил - сабан ашлыгына килә ел.
Җәй көне гел томан булса, гөмбә күп булыр.

Бака корыга чыкса, 

яңгыр була.
Балыклар су өстендә уйнасалар, яңгыр була.
Болыт килгәндә әтәч кычкырса - көн аязырга.
Июль. Егерме бишендә кырау булса, кыш суык килә.
Җәй көне яңгыр болыты аксыл күренсә, боз явар.
Җәй көне һава аксыл сары булып күренсә, аяз булыр.
Әгәр җәй көне төшлек тарафыннан җил килсә, һава яхшы булыр. Кыш көне булса, көн җепшек булыр.
Август аенда аяз булса, көз пычрак булыр.
Яңа ай белән җил булса, бөтен ай буена җил булыр.
Яңгыр кире кайтып ява башласа, бик куәтле булыр һәм боз да булыр.
Яңгыр тамчысы су өстендә эре булып күбекләнеп торса, янә яңгыр булыр.
Яңгырлы вакытта куәтле җил чыкса, һавалар яхшы була-чагын белгертә.
Салават күпере бик югары булса - аяз, бик түбән булса - яңгырлы.
Салават күпере бөтенләй түгәрәк күренсә, яңгыр булыр.
Салават күпере суга төшсә, явымнар күп була.
Салават күпере яңгыр яуганда өч булып чыкса, бөтен атна яңгыр булыр.
Салават күперенең ике башы да суга төшсә, яңгыр булыр, ике башы да тауда булса - аязга.
Салават күперенең яшеле бик ачык яшел күренсә, көн яңгырлы булырга галәмәт. Әгәр кызылы бик ачык кызыл күренсә, җилле булырга галәмәт.
Туган ай дугалы булса, давыл булыр.
Һава озак ачык булып торса, яңа ай белән яңгыр булыр.
Һава яңгырлы һәм юеш вакытта күктә аксыл төсле болытлар йөрсә, аязлыкка галәмәт.
Йолдызлар куе күренсә, аяз булыр.
Кайсы якта йолдызларның нуры озынрак күренсә, җил шул яктан булыр.
Кич аяз булып та, йолдызлар аз күренсә, яңгыр булыр.
Кояш агарып чыкса, шул көнне һәм киләсе көнне дә аяз булыр.
Кояш баеганда кызыл булып күренсә, җил булыр.
Кояш баердан элек югары вакытта һава кызарса, шул кич үк һава бозылыр.
Кояш батканда аяз булып, төньягыннан салкынча җил булса, кырау булыр.
Кояш баткач та караңгылык төшсә, яңгыр булыр.

 


Фикерләр:

Яңартылды Пәнҗешәмбе, Гыйнвар 26, 2012 08:06
 

Агымдагы рейтингы: 4
Тавыш бирде: 4

Әлеге материалны бәяләгезче!:

Бик яхшы!5Яхшы!4Ярый!3Начар!2Бик начар!1

Мәкалә ошадымы? Ошаса дустыңа да тәкъдим ит!

Фикер өстәү


.