Кабат табигатьтә көз... Әле кайчан гына "Соңгы кыңгырау" бәйрәмендә 4 сыйныф укучыларын югары мәктәпкә зурлап озаткан идек. Инде менә аларга алмашка кабат укучылар алдык. Мәктәбебез быел моңарчы күрелмәгәнчә укучыларга кытлык кичерәчәк. Барлыгы мәктәп буенча нибары 12 укучы белем алачак бит. Тарихта андый хәлнең булганы юк иде  әле. Бер генә нәрсә тынычландыра- әлеге өметсез күренеш бездә бары бер генә ел булачак. Быел 1 сыйныфка 3 укучы керсә, икенче елга бу сан 9 булыр дип көтелә.

Әйдәгез, бәйрәм турында сөйләшеп алыйк инде. Көннең салкынча булуын исәпкә алып, чараны спортзалыбызда гына үткәрергә булдык. Берсеннән-берсе матур чәчәк бәйләмнәре тоткан, ә үзләре шул чәчәк бәйләмнәреннән дә чибәррәк балаларыбыз ишекне ачып керү белән, мәктәп сөенеп, яктырып киткәндәй булды. Ул арада әти-әниләр, тәрбияче апалар, районнан вәкилләр, Явлаштау авыл җирлеге башлыгы, Явлаштау урта мәктәбе директоры да залыбызда урын алдылар. "Белем бәйрәме"безне ачу өчен сүзне мәктәп мөдиребез - Рафига Рәшитовна алды. Аның балаларны, әти-әниләрне, укытучыларны һәм килгән кунакларны бәйрәм белән котлавыннан соң, укучылар көче белән әзерләнгән әдәби-музыкаль монтаж каралды. Һәр укучы матур-матур концерт номеры башкарды. Соңыннан балаларны "Тюльпан" балалар бакчасы мөдире- Газизова Нурфия, район вәкилләре- Ишниязов Марат, Зөлфия Фәсхетдиновна авыл җирлеге башлыгы-Наил Фәйзелхакович, Явлаштау урта мәктәбе директоры - Зөлфәт Фоатович, әти-әниләр котлады. Котлаучылар укучыларга бүләккә уку кирәк-яраклары өләште. Менә беренче кыңгырау чыңлады һәм яңарыш дәресе-  Изге болгар һәм Свияжск тарихи җирләребезгә багышланган кереш дәресебез башланды. Түбәндә бәйрәмнән кайбер мизгелләрне күрә аласыз:

Хәерле сәгатьтә дуслар!!!

Фикерләр:

• "В контакте"социаль челтәрендә

Download SocComments

< Алдагысы		Киләсе >