Хөрмәтле коллегалар! ФГОС таләпләре буенча төзелгән дәрес эшкәртмәләрен конкурска кабул итү төгәлләнде. Хәзерге вакытта безнең карамакта 31 эш. Катнашучылар, исемлекне карап чыгыгыз, безнең игътибарсызлык белән кемнеңдер эше күрсәтелмәгән икән, хәбәр бирегез (я почтага, я шушы яңалык астына). Конкурс тәртибе болайрак: рус телендә язылган дәресләр "Радуга" сайтына урнаштырыла, татар телендәге эшләр минем сайтның төп битендәге сул як блогындагы иң өске модульдә.

Уңышлар сезгә!!!

Ышанычлы чыганаклар, дөресрәге профсоюз сайтыннан алынган мәгълүматларга караганда, 1 октябрьдән хезмәт хакыбыз 6 % ка арткан икән. Өстәмә түләү вазифаи окладның 6 % ы күләмендә булачак. Мисал өчен, минем ул 8069 сум, артым - 484 сум, моннан тыш категория һәм квалификация, стаж, сыйныф җитәкчелеге, бүләкләр өчен дә 6 % өстәү каралган. Ә менә сыйфат, премия һәм авыл җире өчен түләү артмаячак. Аның каравы, дәфтәр тикшерү өчен түләү 2 тапкыр арттырылачак. Моннан тыш, әллә нинди мин аңламаган өстәмә түләү кертелә ул : "Укытучының гомумибелем учреждениесендә эшләгәне өчен",- дип атала - 9%.

Дуслар, бигрәк тә 1 сыйныф укытучылары! Әгәр сез "Мәгърифәт" газетасын алдырмасагыз, күпләрне кызыксындырган сорауга җавапны тулысы белән урнаштырам:

Сорау: "Мин башлангыч сыйныф укытучысы булып эшлим. Эш күләмем- атнасына 20 сәг. Балалар 1 сыйныфта атнага 5 көн укый. Ә мине шимбә көнне дә мәктәпкә килергә мәҗбүр итәләр. Бу дөресме?

Адресым редакция өчен генә".

Укытучыларның исемнәрен язарга батырчылык итмәвен күптән беләм инде, анысы. Чөнки нәкъ менә укытучыларга эте дә, бете дә каныга. Шуңа сорау авторы бәлки дөрес эшләгәндер. Әмма мин адресымны күрсәтер идем, законсыз таләп өчен укытучы түгел, шул мәктәп администрациясе оялырга, куркырга тиеш бит.

Җавап: Сезнең соравыгызга ТР Мәгариф һәм фән министрлыгыннан түбәндәге җавап алдык:

- Мәгариф учреждениеләрендәге педагог һәм башка хезмәткәрләрнең эш һәм ял вакытлары РФ Мәгариф һәм фән министрлыгының боерыгы (№69, 27.03.2006) нигезендә билгеләнә. Укытучыларның педагогик эшчәнлеге, төгәлрәге укыту өчен киткән вакыты сәгатьләр саны белән билгеләнә. Ә дәрес үткәрүдән тыш өлеше сәгатьләр саны белән тәгаенләнмәгән. Беренче сыйныф укытучыларының эш вакыты РФ баш санитария табибе кабул иткән карарга туры китереп оештырыла. Гамәлдәге кануннар нигезендә 1 нче сыйныфта балалар атнага 5 көн укый һәм мәктәп администрациясе 1 нче сыйныф укытучысыннан

Хөрмәтле дуслар! Бу уку елына ике календарь карап үтегез. 1 сыйныфлар һәм 2-4 сыйныфлар өчен (каникуллар күрсәтелеп). Кирәк булса тычканның уң ягы белән басып, компьютерыгызга йөкләп алыгыз. Каникул вакытлары төрле районда төрлечә бугай ул, шуңа әлеге календарь сезгә барамы- юкмы икәнен үзегез хәл итегез.

монда 1 ләргә

монда 2-4 сыйныфларга

Хөрмәтле балалар бакчалары тәрбиячеләре! Сезне һөнәри бәйрәмегез белән чын күңелдән котлыйм. Саулык-сәламәтлек, тормышыгызда, эшегездә уңышлар, ак бәхетләр теләп калам. Сезнең хезмәт безнекенә караганда да авыррак бит. Ходай сезгә сабырлык бирсен!!!

Минем 5 нче тапкыр берләрем

Беренче эшләр җыелмасын сезнең хөкемгә тапшырам, хөрмәтле , кулланучыларым. Сүз уңаеннан, кулланучы , димәк теркәлгән кеше. Ә калганнар кунак дип атала. Онытмагыз! Сайтның уң як бүлегендәге "Перспектива УМКы" блогындагы технология сылтамасына басыгыз.

Хөрмәтле дусларым! Интернет акрынлыгы белән теңкәгә дияме? Бер җыр йөкләү өчен дә 2-3 минут вакыт кирәкме? Алайса сез заманадан шактый калышкан икән. Тарифыгыз белән кызыксынганыгыз бармы соң? "Суперскай" булса - бу бөтенләй урта гасыр, әгәр сез "Форсаж-1" тариф планын куллансагыз, бу да инде кичәге көн. Ә менә "Звезда-1" тариф планына күчкәнсез икән, сез замана белән бергә атлыйсыз , димәк. Тоташыгыз, үкенмәссез! Моны яндекста таттелеком дип язып яки менә бу сылтама аша кереп: http://www.tattelecom.ru/ башкарырга була. Шул сылтама буенча "шәхси кабинет" ка кереп(логин, парольле летай карточкасын кулланып), өйдән чыкмый гына кайсы числодан телисең, шуннан гына тарифыңны үзгәртергә мөмкин. Звезда- 1 айга 450 сум, 10 сум артык дип кайгырмагыз,тизлек якынча 3 тән 1 гә арта. Үземдә сынагач кына яздым! Белмим тагын, үзегезгә карагыз, мин әйттем, соңгы сүз барыбер сезнеке. Әлегә сау булып торыгыз. Рәсемдәгечә, интернет та кешеләр күк эволюция кичерә, тик күпкә өлгеррәк, җитешеп тә булмый артыннан. Кайчан гына әле 4 аякта "үрмәләп" йөри иде, инде бар җиһанны яулап алды!