Ямьле Саба ягым-Мишәбашым

Белем алган туган мәктәбем.

Сиңа атап язар шигырьләрем

Сиңа баглап эшлим эшләрем!


 
Яңа ел кичәләре эшкәртмәләре PDF Бастыру E-mail
Чәршәмбе, Декабрь 01, 2010 09:08

Башлангыч сыйныфлар өчен яңа ел кичәсе эшкәртмәсе.

"Методик сандык"та сез аларны күп санда таба аласыз!!!

ягъни монда

Катнашалар:

Будильник

Җәй

Кар кызы

Дию

Убырлы.

Җен

Пәри

Йолдызсанар малай 1

Йолдызсанар малай 2

Кыш бабай

1 ук. Ел тәмам. Түгәрәк ябылды.

Тирә-якта кабат кыш.

Карлар җемелди кояшта

Балаларның шат авазы

Елмаю- көлү катыш.

2 ук. Кабат бизәнде чыршылар

Тиздән бит бәйрәм җитә.

Тиздән Яңа ел бәйрәме

Һәркем зарыгып көтә.

{gcontent}

3 ук. Төрле-төрле төсләр белән

Кар җемелди кояшта

Ә төнен  бүрәнә шартлый

Суыкка түзми тышта.

4ук. Өебездә мөләем гына

Чыршы уты күз кыса.

Җырлап әйләнегез, әйдә!

Дип йолдызы ыскыта.

5 ук. Яңа еллар котлы булсын!

Һәркем өчен зур бәйрәм.

Җыр – биюләр тынмасыннар

Уйныйк без әйлән-бәйлән.

Моңсу көй яңгырый. Сәхнәгә будильник керә. Ул елый һәм нидер эзли.

Балалар.

1ук.  Менә шатланабыз , көләбез. Ә кемгәдер бер дә көлке түгел икән!

2ук.  Әй, кем син?

Будильник. (бик моңсу гына) Мин – Будильник.

Балалар.

1ук.  (көлемсерәп) Нинди будильник ди инде син .Синең бит хәтта укларың  да юк! Ялкаулар өчен, алар иртә тормасын дип ясалган  махсус будильниктыр әле.

Будильник аның саен катырак елый.

2.ук. Тукта, дустым! Кирәкми мыскыл итәргә. Бәлки аның белән чыннан да берәр күңелсез хәл килеп чыккандыр.

Будильник. Әйе шул. Кичә кич мин һәрвакыттагыча йокы алдыннан юындым, укларымны –телләремне чистарттым һәм йокларга яттым. Иртән торсам, харәп эш- укларым  юк! Эзләмәгән җир калмады, бер җирдән таба алмадым. Ә бит бүген барлык сәгатьләр өчен иң мөһим, җаваплы  эш – Яңа ел килсен өчен 12 тапкыр сугасы бар. Сәгатьнең нәкъ 12 икәнен кайлардан белим инде хәзер. Әле бит минем укларымнан башка вакыт бөтенләй кирегә китәргә мөмкин ич. Я, ходам, нишлим соң?

1ук. Ярый , зинһар өчен елама. Без сиңа хәзер ярдәм итәрбез. Дуслар, тирә-якны караштырып карагыз әле, юкмы икән берәр җирдә сәгать уклары?

2ук. Хөрмәтле әти-әниләр! Сез дә тирә-ягыгызны күзәткәләгез, телләрне тапмасак, сезгә дә Яңа ел килмәс бит.

(Бар да эзли. Җәйге көй яңгырый. Җәй керә.)

Җәй. Ай-яй  нинди матурлык! Салкын да булмаса икән! Ярый бераз танышыйм да, тагын үземнең кояшкайлы җәемә китәрмен.

Будильник. Кем син, нигә шулкадәр шатланасың? Нинди сөенечең бар?

Җәй. Мин – җәй. Ә шатлануымның сәбәбе кинәт кенә шундый матурлыкка килеп чыгуымда .

Будильник. Син хәзер табигатьтә җәй түгел , ә кыш икәнен беләсеңме соң?

Җәй. Чынлапмы? Менә бәхет! Минем гомеремдә дә кыш күргәнем юк ич. Ә күрәсе килә иде. Әнә минем сеңлекәшләр – Көз белән Яз кыш белән гел очрашып тора. Ә мин кышның ни икәнен белә дә алмый идем. Бервакыт миңа Яңа елның җәй көне килүе турында төш тә кергән иде. Уянгач та байтак татлы хыялларга чумып яткан идем шул чакны.

Будильник. Әйе , бар да буталып бетте минем телләрем югалу аркасында. Яңа ел алдыннан Җәй килсен әле, әйтергә генә ансат! Кыш бабай бит миңа вакыт җиткәч уятырсың дигән иде. Инде нишләргә соң?

Җәй. Телләрең югалдымени? Ярар кайгырма.  Без хәзер телләрсез дә сәгатьне көйләрбез.Бу яктагы балалар әйдә сез “Тик” дип, ә сез “Так” дип кычкырыгыз. (балалар кычкыра). Нишләптер барып чыкмый әле бу.

Будильник. Әле зур сәгатьләр суга да . Бәлки безнекен дә суга торган итәрбез.

Җәй. Суга? Авырттыра ич ул! Ярый, яхшы эш өчен түзәргә булыр анысы.

(Чалбар каешы тартып чыгара).

Будильник. Син нәрсә? Алай түгел инде. Сугу бит ул шалтырау, хәбәр итү дигән сүз. Менә болай “динь-динь!”

Җәй. Ә... аңлашылды! Кабатлыйбыз балалар: “Динь- динь!”

Будильник. Безнең берни барып чыкмый, укларымны табарга кирәк.

Җәй. Ярый, эзләргә икән,  эзлик инде алайса.  Балалар, безнең белән барасызмы? (җавап) Тик башта мине кышкы нечкәлекләргә өйрәтсәгез иде. Мин суда ничек йөзәргә икәнен беләм (хәрәкәт күрсәтә , балалар кабатлый), гөмбә ,  җиләк  җыя да, чикерткә тота да,  кояшта кызына да, ничек итеп черкиләрдән качарга икәнен дә беләм (хәрәкәтләрне һәрберсен күрсәтә, балалар кабатлый).  Ә менә чаңгыда йөри, тимераякта шуа , кар йомарламы ясый, аның белән атыша , кар көри белмим (хәзер хәрәкәтләрне балалар күрсәтә, ә җәй кабатлый) Менә рәхмәт, балалар! Өйрәттегез бит.  Их ! Күңелле дә икән кыш көне! Сез нинди бәхетле!

Бәлки әле сез, кыш турында берәр җыр да башкарырсыз? (җыр)

Музыка астында Кар кызы чыга.

Кар кызы. Исәнмесез балалар! Сезне кабат күрүемә мин бик шатмын.

Будильник. Исәнме кар кызы!!

Җәй. Әллә бу чып-чын кар кызымы??

Тавыш. Юк. Чын түгел. Менә мин чын Кар кызы.

Музыка астында кар Кызы костюмы элементлары белән Убырлы керә. Мин ул иң чын Кар кызы. Җәй. Үләм! Кайсысы чын соң моның. Балалар ничек итеп аерыйк?

Убырлы. Нәрсә сез алардан сораган буласыз соң? Бер ел үтте бит инде, алар бит хәтта тапкырлау таблицасын да оныталар! Каян белсеннәр соң алар чын Кар Кызының нинди икәнен?

Җәй. Ә нишлибез соң инде хәзер?

Будильник. Мин беләм!!! Әйдә, һәр Кар кызы берәр Яңа ел җыры җырлап күрсәтсен.

Убырлы. Бик дөрес. Мин ул җырларны менә моннан беләм. (муеныннан күрсәтә)

Кар кызы. Ярар. Алайса берсен булса да җырлап күрсәт инде.

Убырлы. Хәзер ,хәзер. Ә сез кушылыгыз. (берәр төртмәле такмак җыры)

Җәй. Юк..!!! Безгә андый җыр кирәкми..

Кар кызы. Ә менә хәзер минем яраткан җырны тыңлап карагыз.

(Әйлән-бәйлән өчен җыр башкарыла. Балалар кушыла һәм чыршы тирәли җыр җырлап әйләнәләр)

Убырлы. Әй, исегез киткән икән икән җырга! Чыршыгызны карагыз!  Шарлар асып куйганнар, ә утлары  янмый.  Шулмыни сезнең ёлка! (эче катып көлә)

Җәй. Чыннан да, ничек бу турыда уйлмаганбыз соң без?

Убырлы. Алар янмаслар да. Ни өчен дисезме?  Чөнки аны Кыш бабай кабыза, ә ул йоклый, будильник  бит телләрен югалткан.

Кар кызы. Шулаймы әллә, Будильниккаем? Кайгырма, синең укларың һичшиксез табылыр. Ә чыршыбыз утларын Кыш бабай гына түгел, минем ярдәмчеләрем- йолдызсанар малайлар да кабыза ала ич!

Җәй. Урра!!! Минем әле бер тапкыр да чыршы утлары кабынганын күргәнем юк иде.

Кар кызы. Менә хәзер күрерсең. Әй, малайлар!!!

(Йолдызсанар малайлар чыга)

1 й.с.- Ай-хай суык!Йолдызларны кабызганчы, катып үләрсең.

2 й.с.- Аның каравы йолдызлар нәкъ чыршы утлары кебек балкый.

Кар кызы. Ә менә безнең чыршыбызда утлар янмый шул!.

1 й.с.- Хәзер мин аны кабызам.

2 й.с.- Ничек әле син, ди. Мин кабызам ...

1 й.с.- Минем дә кабызасы килә. (Сугышып китәләр. Ә ялган Кар кызы шатланып кулын угалап тора)

Убырлы. Менә бу безнеңчә . Бир берне, тагын,  тагын! Ныграк сук!

Кар кызы. Малайлар алай ярамый. Чыршыдагы утларны тату  булсаң гына кабызып була..

Йолдызсанар малайлар бию башкаралар. Бию ахырында елка янына килеп могҗизалы таяклары белән җилпиләр. Чыршыдагы утлар кабына.{/gcontent}

 

{gcontent}Кар кызы. Рәхмәт сезгә йолдызсанар, дускайларым!.

Җәй.  Менә хәзер аңлашылды,  кемнең чын Кар кызы икәнлеге. Шулаймы , балалар? Ә моның кем икәнен белдегезме соң? (Балалар убырлы икәнен әйтәләр)

Убырлы. Мине барыбер белдегез,  инде кем икәнлегемне чын-чынлап күрсәтермен.

Кешегә ярдәм итүче вакытын бушка үткәрә.

Яхшы гамәл  кылып беркем данлыклы булыр димә

( Балаларны күсе белән куркыта).

Убырлы. Әле сез минем турыда  күп ишетерсез!!! (Китә ).

Кар кызы. Ой бик курыктык инде?! Менә Кыш бабай килгәч , күрсәтер әле балаларны алдап, куркытып йөргәнең  өчен.

Будильник. Кар кызы , ә Кыш бабабыз ничек килер соң? Мин бит аны уята алмыйм. Укларым юк ич.

Кар кызы. Кайгырма, дускай. Алар бит тылсымлы уклар, бары тик яхшы күңелле кешеләр өчен генә хезмәт итәләр. Шулай булгач алар тиздән үзләре табылыр.

Җәй. Чыннан да. Уклар табылыр минемчә.

(Куркыныч көй яңгырый. )

Кар кызы. Ой ... кем безнең бәйрәмгә килә икән? Әйдә, качыйк һәм күзәтик!

Кар кызы, Җәй һәм Будильник  балалар арасына кереп басалар

Җен. Яхшы эш башлап җибәрдек әле, ә!.

Пәри. Әйе , дию бик канәгать булыр инде.

Җен. Карыйбызмы?

Пәри. Әйдә! (Һәрберсе кесәсеннән берәр сәгать угы чыгара).

Будильник. Минем уклар бит болар!!!!

Җәй. ТС-с-с-с! Алга таба нишләрләр икән, тавышланма!!!

Җен. Кара әле. Никтер минеке синекеннән кечерәк бит! Кыскарак шул ! Бир тизрәк! Мин будильниктан салдырдым аларны, мин күбрәк тырыштым.

(Сугыша , талаша башлыйлар . Убырлы керә.)

Убырлы. Әй!!! Туктагыз әле хәзер үк! Сезгә сәгать укларын урларга һәм бәйрәмгә әзерләнергә кушылды бит!

Пәри. Ә без ни эшләдек соң?

Җен. Кирәкмәгән җиргә тыгылма , яме!!!

Убырлы. Күп лыгырдамагыз . Менә дию килер , арт сабагыгызны укытыр сезнең . Бәйрәм программасын төзедегезме әле

Пәри. Хәзер әзерлибез аны.

Җен. Безнең өчен мондый эшләр чүп бит ул!

Убырлы. Башта әйлән- бәйлән  уены күрсәтергә кирәк.

Пәри. Монысы,  ә дигәнче аның. Тиз генә тезелегез әле!Равняйсь, смирно! Сулга борыл! ! Атлый башла! (“Солдат булдым көе”нә балалар атлый башлый).

Җен. Бу булдымы инде әйлән-бәйлән. Бегом марш! Тизрәк. Тизрәк!

Убырлы. Ярар. Монысы булган! Хәзер инде бәйрәмдәге иң мөһим нәрсәгә күчик.

Җен. Ә!!! Кемне дә булса алдаргамы?

Пәри. Кемне дә булса куркытыргамы ?

Убырлы. Юк! Яңа ел бәйрәмендә иң мөһиме- тылсым. Могҗиза күрсәтү була. Наданнар!

Җен. Тылсым!!!!

Пәри. Могҗиза!!!

Җен. 3 башлымы??

Пәри. Юк. 12 башлы!!!

Убырлы.Юк инде, бернинди башлар кирәкми? Могҗиза искиткеч булырга тиеш!!!

Җен. Пәри. Икесе бергә. Бар ул безнең могҗиза! Бер- ике -өч. (җеннәр биюе башкарыла)

Убырлы. Ярый, яңа ел программасы әзер бугай! Әйдә, Диюгә барып әйтик.

Будильник. Менә күрдегезме ни эшлделәр алар?  Минем укларны урладылар. Бәйрәмне үзләренчә уздырмакчы булалар.

Кар кызы. Аның каравы без сәгать укларының кайда икәнен беләбез. Ә бәйрәмне бозмасыннар өчен безгә аны үзебезгә оештырырга кирәк.

Җәй. Дөрес. Алар бәйрәмне план буенча төзеделәр. Димәк , беренче булып безгә чыршы тирәли җыр җырлап әйләнүне оештырырга кирәк. Әйдәгез, әле балалар, бер җыр- җырлап әйләник әле.

Җәй. Ә хәзер иң авыры инде- могҗиза  күрсәтергә кирәк бит! Ә менә минем могҗизам бар инде. Кыш уртасында чәчәкләр үсү, бал кортлары чәчәктән-чәчәккә кунып йөрү могҗизаның да могҗизасы бит!!!

(Чәчәкләр һәм бал кортлары биюе башкарыла.)

Кар кызы. Балалар без сездән үтенәбез.Тегеләр үз программаларындагы номерны башкарырга кушсалар ,сез болай итегез яярыймы: кызлар: хи-хи-хи, ә малайлар ха-ха-ха дип кычкырыгыз.

Музыка астында тегеләр керә.

Җен. Нәрсә сөмсерләрегез коелды. Хәзер күңел ачабыз. Игътибар! Дию  килә!!!

Музыка астында Дию чыга.

Дию. Бу нинди каршы алу тагын? Мине патшаны каршы алган кебек каршыларга кирәк.

Пәри. Дию  галиҗәнәпләре. Хәзер эшлибез аны. (Балаларга карап) Әйдәгез, әле ныклап кул чабыйк әле!!!

(Балалар тыңламый, кызлар хи-хи, малайлар ха-ха дип көлә)

Дию. Монысы нәрсә тагын? Барып җиттек!!! Бернидән курыкмыйлар.  Хәтта миннән дә.  Ә сез миңа бәйрәмгә бар да әзер дигән идегез. Чыршы тирәли әйлән-бәйлән күрәсем килә. Башлагыз!

Убырлы. Тәк, бастык барыбыз да! (балалар тыңламый).

Дию. Нәрсә тагынмы? Могҗиза күрәсем килә.

Убырлы.  Хәзер булыр могҗиза (балалар тагын тыңламый).

Дию. Әхә, әле сез шулаймы? Әйдәгез. әле хезмәтче- чегәннәрем. Алдагыз әле шушы балаларны. Багыгыз әле шуларга, каникул буена начар һава торышы.

( Чегәннәр биюе башкарыла.)

Җәй. Балалар! Куыйк әле шушы чегәннәрне моннан (аяклар белән тыпырдыйлар)

Дию. А монысы нәрсә тагын?

Җәй. Ә бу ямьле җәй.

Дию. Нәрсә? Җәй? Кыш көнеме?

Җәй. Әйе , кышны күрәсем, яңа елны каршылыйсым килгән иде. Ә сез сәгать укларын урлагансыз. Хәзер инде кыш бабабыз йокысыннан уяна алмый.

(Тегеләр көлә..)

Кар кызы. Уяныр кыш бабай. Уяныр . Аңа будильник та кирәкмәс. Балалар. Сезне иртән кем уята соң? (  Әни)

Кар кызы. Менә шул-шул. Әйдәгез, без дә будильниксыз  уятыйк аны!

Кыш бабай! Уян тизрәк!

Бәйрәмгә бит син кирәк!

(Балалар берничә тапкыр кабатлыйлар)

Кыш бабай керә.

Кыш бабай. Исәнмесез, балалар, матур кыз һәм егетләр!

Кар кызы.Исәнме бабакай! Их яңа елны каршылый алмаячакбыз шул! Менә болар сәгать укларын урлаган бит. Димәк, сәгатебез 12 не суга алмаячак. Яңа ел да килә алмый инде.

Кыш бабай. Менә ничек икән??

Дию. Шулай шул. Ха-ха-ха!!!

Кыш бабай. Әле шулаймыни? Мин сезгә хәзер буранымны җибәрәм.

(Җил тавышы ишетелә. Тегеләр бер читкә китәләр. Кар бөртекләре биюе башкарыла. Тегеләр өши. Аларга ак простынялар каплана. )

Кыш бабай. Хәзер бу явызлардан кар өемнәре генә калды. Кирәк икән алардан кар сыннары ясарбыз. Әйдәгез ,алардан һәйкәлләр ясап куйыйк.

(төрле гәүдә торышындагы кешеләр итеп ясап куялар)

(Бар да шул фигураларга төртеп күрсәтеп көләләр.)

Кыш бабай. Ярый туйганчы көлдек. Әйдәгез инде, җебетик аларны. Бәлки яхшы якка үзгәрерләр. Яңа ел бәйрәме бит ул татулык, дуслык бәйрәме. Балалар. Өрегез шуларга. Җебесенннәр.

Тегеләр җебиләр сәгать укларын бирәләр һәм гафу үтенәләр.

Кыш бабай. Ә хәзер салкын бураннан соң җылынып алыр өчен,  бер биеп алыйк!

(татарча бию)

Шуннан соң Кыш бабайның яхшы укучыларны котлавы, грамоталар тапшыру була. Балалар үзләренең һөнәрләрен күрсәтәләр. Соңыннан кыш бабай  озатылып, бәйрәм  дәвам иттерелә. Лотерея уены уйнатыла.

 2 нче эшкәртмә.

Дию : Ух.һу-һу !Уйлар басты башкайларымны.Күңелдә өермә.Уйлар ...Уйлар.Ух,

һу-һу !

Убырлы(керә) : Нишләп утырасың монда,Дию?

Дию : Кайгы басты башымны,кайгы ...

Убырлы : Нинди кайгы?

Дию : Әнә, кешеләр бәйрәм итә.

Убырлы : Без дә бәйрәм итәбез аны (колагына пышылдый).

Дию : Әйе ... Юк,юк,юк ! Һич ярамый !

Кәрлә(тыны бетеп,сикерә-сикерә керә) :

Шылдыр-мылдыр кылдырап,

Алдыр-балдыр җолдырам,

Синдер-миндер зәрдерки

Сүлдер-чүлдер чәлдерки

Сәлам бирдек якын дусларга !(Киемнәрен селки-селки туктый).

Дию : Нинди чүпрәкләр бу?

Кәрлә :Чүпрәк түгел бу,Дию абзыкай.Кич бик соң йөргән балаларның киемнәрен

Салдырдым.

Дию : Тукта,шушы көнгә калдыңмы?Хурлык.Югал күземнән,затсыз,чүпрәк кара-

гы.Наданнар без,начарлык эшләүдән башканы белмибез,Әнә кешеләр бәйрәм итә.

Ә без ... (Шул чак Шүрәле кереп качып кына тыңлап тора.).

Кәрлә : Юкка борчыласың Дию абзыкай.Алар белән без дә бәйрәм итик.

Дию : Ничек?

Кәрлә:Менә шушы киемнәрне киябез дә,мин укучы булам,ә син минем әтием бу-

лырсың.

Убырлы : Ә миңа нишләргә?

Кәрлә : Син , Убырлы,үзеңә каян да булса киемнәр тап.Әйдәгез,киттек. (Җырла-

шып чыгып китәләр).

Алып баручы : Хәерле көн кадерле балалар,хөрмәтле укытучылар,мөхтәрәм әти-

әниләр,килгән кунаклар ! Сезнең барыгызны да якынлашып килүче Яңа ел бәйрә -

ме белән тәбрик итәбез ! Сезгә ныклы сәламәтлек , шатлык , гаилә бәхете телибез .

Дөньялар имин,өстәлләр мул булсын.

Без бүген чыршы янында

Әйлән-бәйлән уйнарбыз.

Кыш бабайны каршыларбыз

Матур җырлар җырларбыз.

Нинди матур безнең чыршы

Җем-җем килеп яна ул.

Башлыйбыз чыршы бәйрәмен,

Котлы булсын Яңа ел !

Укучы : Исәнме,чыршы,исәнме !

Яңа ел килеп җитте.

Күңелле чыршы бәйрәмен

Балалар күптән көтте.

Укучы : Сагынып көттек без сине

Көннәрен санап көттек

Календарь битләренә һәм

Сәгатькә карап көттек.

Укучы : Син килдең бүген киенеп,

Бизәнеп,матурланып.

Безгә-нәни дусларыңа

Күңелле җырлар алып.

(Әйлән-бәйлән уйнап чыршы турында җыр башкарыла).

(Дию белән Кәрлә керәләр).

Дию : Туктагыз!Тукта!Нишләп без килгәнче бәйрәмне башладыгыз ?

Кәрлә : Әйе,нишләп башладыгыз ?

А.Б. : Сез кемнәр соң ?

Дию : Без кунаклар.

Кәрлә : Әйе,кунаклар.

Дию : Оныгымны бәйрәмгә алып килдем.

А.Б. : Оныгыгызның исеме ничек соң ?

Дию : Аның исеме ... – Кәрлиулла.

А.Б. : Кызык исем,ә фамилиясе ничек?

Кәрлә : Нәрсәсе ничек ?

А.Б. : Сез,әллә,фамилия дигән сүзне аңламыйсызмы?

Дию : Без бит кара урманнан килдек,анда фамилияләр юк бит.

А.Б. : Менә кызык!? Менә минем исемем .......... ,фамилиям ............, бабамның

исеме .......... булган.Димәк,бабамның исеме – минем фамилиям.

Дию:Аңлашылды.Минем исемем Дибай.Оныгымның фамилиясе Дибаев буламы?

А.Б. : Нәкъ шулай.Бәйрәмебезгә рәхим итегез !

 

Укучы : Яшел чыршы тезелешеп,

Әйләнәбез тирәңдә

Куанабыз яңа елга

Син кунакка килгәнгә.

Җәй көне җиләк җыярга

Урманга барган идек,

Яшел чыршы яңа елга

Кунак булып кил дидек.

Рәхмәт,менә син килгәнсең

Әйләнәбез тирәңдә.

Яңа һөнәрләр өйрәндек

Яңа елга килгәндә.

А.Б. : Әйе,балалар.Яшел чыршы безгә кунак булып килгән . Минемчә аңа нәрсә-

дер җитми.Сез ничек уйлыйсыз? (Балалар фикерләрен әйтәләр). Дөрес,утлары ка-

бынмаган.Тиздән Яңа ел да килеп җитәр.Әйдәгез,бергәләп,тылсымлы сүзләр әйтеп

кабызып карыйк әле (бергә) :

Әй чыршы,чыршы,чыршы

Безнең күңелне күрче,

Утларыңны кабызчы !

(Чыршыда утлар кабына).

А.Б. : Балалар,безнең бәйрәмдә тагын кемнәр юк соң?

Балалар : Кыш бабай ,кар кызы ,Яңа ел .

А.Б. :Дөрес балалар.Ничек Кыш бабайсыз Яңа ел булсын ди.Әйдәгез, аларны бер-

гәләп чакырыйк.

 

Балалар : Суык бабай,кил безгә

Яңа ел бәйрәменә

Чыршы әйләнәсендә

Җыр җырлап әйләнергә.

А.Б. :Кыш бабай күренми әле.Адашып йөриме әллә?Әйдәгез әле,тагын чакырыйк

Балалар : Кыш бабай ! Кыш бабай ! (Кыш бабайга охшаш киемнәр киеп Убырлы

керә).

Убырлы : Мине чакырдыгызмы сез?

Балалар : Кыш бабайга охшамаган.

УБ.:Нишләп мин Кыш бабай булмыйм ди.Менә сакалым,менә чапаным,менә тая-

гым.

А.Б. : Я,синең чын Кыш бабай икәнлегеңә ышаныйк әле (табышмак әйтә) :

Ак ашъяулык таптым,

Җир өстенә яптым.

УБ. : Кыш бабагыз инде.

А.Б. : Утта янмый,суда батмый.

УБ.: Хуҗа Насретдин

А.Б. : Канатсыз оча,аяксыз чаба,

Тышта өелә,өйдә җәелә.

УБ.: Убырлы.

А.Б. : Белдек,белдек.Бу бернинди лә Кыш бабай түгел.Бу – Убырлы ! (Чыршы ар-

тыннан Шүрәле чыга).

Шүрәле : Һәйт,эләктегезме?Урман җеннәре.

А.Б. : Нәрсә?

Шүр.: Сез беләсезме боларның кемнәр икәнен?Менә монысы Дию,монысы Кәр –

лә,монысы – Убырлы !

Кәрлә : Такылдама,Шүрәле,син үзең дә әүлия түгел бит.

Шүр.: Без сезнең кебек явыз түгел,кешеләр белән шаярабыз гына.Алар безне мә-

зәк өчен генә уйлап чыгарганнар.

Дию : Бармагыңны кем кысты,сәләмә?

Шүр.: Кыссыннар.Бер бармак өчен үч саклый торганнардан түгел без.Кешеләрне

барыбер яратабыз.Чөнки безне алар уйлап чыгарган.Алар булмаса без булмас идек.

Дию : Аңгыра,ә безне кем уйлап чыгарган?

Шүр.: Сезне дә алар яратып кына уйлап чыгарганнар.Ә сез аларга этлек эшлисез.

А.Б. : Нинди этлек?

Шүр.:Әле белмисезмени?Алар бит Кыш бабайның юлын чуалтучылар,адаштыру-

чылар.

А.Б. : Ә хәзер нишлибез соң?Кыш бабайга ничек булышырга?

Дию : Үз гаебебезне таныйбыз,балалар.

Кәрлә : Безгз сезнең янда бик тә күңелле.

УБ.: Зинһар , безгә бәйрәмдә катнашырга рөхсәт бирегез . Ә Кыш бабайны дөрес

юлга кертү өчен сездән бер матур җыр кирәк.

(Җыр башкарыла).

А.Б. : Балалар,Диюне,Кәрләне,Убырлыны бәйрәмдә калдырабызмы.

Балалар : Калдырабыз !

Дию : Рәхмәт балалар ! Без башка начарлыклар эшләмәбез. (Кыш бабай тавышы

ишетелә).

Балалар : Кыш бабай килә,Кыш бабай ! (Музыка астында Кыш бабай,Кар кызы

керәләр).

Кыш бабай : Исәнмесез,кадерле дусларым !

Кар кызы : Исәнмесез,кадерле балалар !

К.Б. : Дусларым,менә мин яңадан сезнең янда.Бүген сезнең белән очрашканга тө-

гәл бер ел.Сезнең кайбер шаяннарыгыз миннән көләргә дә мөмкин,янәсе Кыш ба –

бай елга бер көн генә эшли.Чынлыкта исә,күренеп йөрмәсәм дә,мин ел буе сезнең

белән.Чөнки мин Яңа елның хуҗасы.Мин бу ел өчен җаваплы.Шуның өчен дә Яңа

елда ирешелгән уңышлар турында сөйләгәндә,мин дә сезнең белән горурланам.

Кар кызы : Яңа ел бәйрәменә

Әйлән-бәйлән әйләнергә

Бабай белән икәүбергә

Бик ашыгып килгәндә

Юлларыбыз чуалды.

Бик озак йөргәннән соң

Сезнең моңлы җырларыгыз

Кабат үз юлыбызга алып чыкты.

К.Б. : Балалар,бу кем эше икән?

Бал. : Убырлы,Кәрлә,Дию.

А.Б. : Алар үз эшләрен таныдылар.Башка кабатланмаска сүз бирделәр.

К.Б. : Хатаны төзәтү беркайчан да соң түгел.Я балалар Дию,Кәрлә,Убырлы без-

нең кунагыбыз булсыннар.

А.Б. : Кыш бабай,сез юлдан килеп арыгансыздыр,ял итеп алыгыз . Безнең җыр ,

биюләрне карап алыгыз (Концерт номерлары).

Кар кызы : Күпме илләр гиздек,күп мәктәпләрдә булдык,ә шулай да сезнең ке-

бек уңган,булган,тырыш балаларны очратмадык.Сезгә сокланып утырганда Кыш

бабайның да биисе килеп китте бит әле.

А.Б. : Яңа елга атлый халык

Иркен якты юл буйлап,

Әнә биергә чакыра,

Гармуннар тора уйнап.

Әйдәгез,Кыш бабай белән Кар кызын биетәбез. (Бииләр).

К.Б. : Ярый кызым,Яңа ел килеп җитәргә дә күп калмады,юлга чыккандыр.

Кар кызы : Уй-фикергә хаклык төяп,

К.Б. : Теләкләргә пакълек төяп

Кил син безгә , Яңа ел !

А.Б. : Яңа яуган ап-ак кар өстеннән

Йөгерә-йөгерә килә Яңа ел.

Ә иске ел ипи һәм тоз белән

Каршысына чыккан сузып кул.

(Музыка астында ЯҢА ЕЛ керә).

Яңа ел : Исәнмесез кадерле дуслар ! Минем кебек яңа гына туган яшьиптәшләр

Һәм күпне күргән өлкәннәр.Сезгә Яңа бәхетләр,яңа шатлыклар алып килдем.

К.Б. : Тукта,тукта Яңа ел ! Җирдә шундый тәртип : Дөньяга тудыңмы син анке-

та тутырырга тиеш.

Я.Е. : Мин әзер бабакай .

К.Б. : Алай булса рәхим ит,Яңа ел ! Әле кайчан гына мин дә шулай япь-яшь бу-

лып килеп кергән идем . Мине дә шулай шатлана - шатлана каршы алганнар иде.

Яңа ел,барлык эшләрне дә мин сиңа тапшырам.

Я.Е. : Ышанычларыгызны аклармын.Ул эшләрне тап төшерми дәвам итәрмен.

А.Б. : Әй Яңа ел,бер дә тартынмыйча,

Хуҗа булып,әйдә,түргә уз.

Юлларыңа синең ак чәчәкләр

Кулларыңа бездән ипи тоз. (Ипи-тоз тапшырыла).

Әйдә,атла безнең адым белән

Ак келәмдә эзебез калсын бизәк-бизәк,

Бөек илнең,матур җирнең тарихын бизәп !

К.Б. : Ярый дуслар,безгә дә китәргә вакыт җитте,безне башка җирләрдә дә кө-

Тә торганнардыр.

Кар кызы : Хушыгыз , хуш дусларым !

Күңелле ял итегез.

Бер елдан без тагын килербез.

А.Б. : Сау бул , Кыш бабай ! Сау бул , Кар кызы !

(Кичә күмәк биюләр белән дәвам итә).

3 нче эшкәртмә

3 нче эшкәртмә (әлеге сүзгә басыгыз){/gcontent}

Фикерләр:

Яңартылды Дүшәмбе, Декабрь 19, 2011 03:38
 

Агымдагы рейтингы: 3.9
Тавыш бирде: 31

Әлеге материалны бәяләгезче!:

Бик яхшы!5Яхшы!4Ярый!3Начар!2Бик начар!1

Мәкалә ошадымы? Ошаса дустыңа да тәкъдим ит!

Фикерләр  

 
0 #2 RE: Яңа ел кичәләре эшкәртмәләрерамилэ 21.12.2011 15:07
мина бик ошады
Өземтәләргә
 
 
+2 #1 RE: Яңа ел кичәләре эшкәртмәләреГөлнарайгул 15.11.2011 15:32
бик ошады
Өземтәләргә
 

Фикер өстәү


.